\
Namaste Shabnam Chachi Jee!!
Humara question hain ki humare ghar mein ek bhains hain aur ek biwi. Matlab bhains tabela mein rehti hain aur biwi ghar mein. Agar ek chhat ke niche rahegi toh biwi kaun hain aur bhains kaun hain yeh pehchanna mushkill ho jayega, khaas kar amavaas main!!(joke mar diya..he he).Toh jab hum biwi se pyar karte hain toh bhains naraaj ho jati hain aur doodh nahin deti. Jab hum bhains ka doodh nikalte hain toh biwi nikat anne nahin deti. Toh jis din doodh milta hain uss din pyar nahin milta aur jis de pyar milta hain uss din doodh nahin. Badi samasya hain. Kuch upay bataiye...
Haryane Ka Tau
Namaste Taujee,
Aurat ko pyar toh chahiye hi aur usse bhi jyada chahiye ATTENTION. Attention , har samay chahiye aur doosri aurat se jyada. Andar ki baat hain ki marne ke baad bhi shahajahan ki begum unke khwab mein bhootani bankke aati thi aur kehti thi ki "meri taraf koi dhyaan nahin deta'. Pareshan hoke shahajahan ne uski biwi ke liye taj mahal banaye, taki poori duniya ka attention unki begum ki taraf jaaye. Tabhi begum ne unka peecha choda. Varna shaadi ke baad pati tohfe lana bandh kar deta hain toh marne ke baad taj mahal kyu banayega. Toh aap ek kaam kijiye, jab apni aurat se pyar kar rahein ho ek chota sa pathar (pebble) bhains ko mariye. Bhains palat ke dekhe toh muskuraiye. Toh bhains ko lagega ki aap uske baare mein soch rahein ho. Jab bhains ka doodh nikal rahein ho toh biwi ko aankh mare. taki biwi ko lage aap uske baare mein soch rahein hain. Yeh tareeka avashya safal hoga.
Aapki Apni Sakhi Saloni
Shabnam Chachi
------------------------------------------------------------------------------------------------------------------------------
Namaste Shabnam Chachi,
Bade Kasht Mein Hoon. Mere Sasur kuch dinon se ghar par aakar reh rahein hain. Unka khana, chai aur bate karke mein tang aa gayee hoon. Apne ghar par jaane ka naam hi nahin lete. Sasu jee ka dehant ho gaya hain aur bolte hain ki akelapan mehsus kar rahein hain. Arre ess umar main aurat ki nahin bhagwan ke sahare ki jaroorat hoti hain. Please aap unke ghar se bhagane ka koi upay bataiye.
Kulvinder Kaur
(Nayee Dilli)
Namaste Behen,
"Ghar Ka Bhedi Lanka Dhaye" yaane aapka ASURA yaane ki aapka SASURA sirf ess vajah se aapke upar etna zulm kar rahein hain kyunki aapka VIBHISHAN yaan ki aapka PATI unhe passive support de rahan hain. In modern context appko agar samjhau toh baat aisi hain ki ruling party ka koi sadasya opposition se milke sarkar gira neki koshish kar rahan hain. Bahut serious baat hain. Aapke Sasur akele hain toh mast si naukrani unke ghar par rakhiye. Esme aapko naukrani bananeki ki kya jaroorat hain bhala? Aap apne pati par raat ke samay jab woh thake hare daftar se laute tab un par ilzaam lagaiye ki unhe aapki chinta nahin hain. Par pehle kuch din unhe koi vajah naa batana kyunki fir woh guess karenge ki un se kya galti hui aur shayad se aapke doosre kaam kar de. Aapko heeron ka haar hi lake naa de de. Fir ek din unke lakh manane par unko kehna ki unke pitaji ki seva karne ki prabal eccha toh hain par aap bahut thak jaati ho. Aur etni thakavat aapke married life ke haani karak hain. Aap samajh rahein ho naa? Unhe Kahiye Ki Woh Aapke Ghar Par Naukrani rakhe. Agar Naukrani rakhne par woh raazi ho gaye toh kehna ki aapki maa aur baap donon anne ki soch rahein hain. Apka Pati Mayus ho jayega toh usse kehna ki sasur ko wapas bhej de aur naukrani wahan rakhe, naukrani nahin hain toh aap apne bhi maa baap ko nahin bulaogi. Agar yeh sab bhi kaam naa aaye toh badmaash sa toddler ko coffee pilake apne sasur ke saath khelne ko rakhna , khud hi bhaag jayenge. Aise bahut sare toddler ko main jaanti hoon.
Aapki Apni Sakhi Saloni
Shabnam Chachi
---------------------------------------------------------------------------------------------------------------------------------------------
Namaste Shabnam Chachi,
Mere Daddy Ek Government Servant Hone Ke Bawjood Bade Kanjoos Hain. Main Unhe Koi Bhi Cheez Laane Ko Kehta Hoon Toh Uska Sasta aur Kabhi Kabhi Duplicate Version Lake Dete Hain. Jab Main Unse Shikayat Karta Hoon Toh Kehte Hain Ki Bete Tumhare Bhavishya Ke Liye Punji Ekkatta Kar Rahan Hoon. Par Wohi Punji Woh Jake Bar Mein Daru ke Upar Kharcha Karte Hain. Main Unko Kaise Thik Karu?
Apka Vinamra
Raju
Raju Bete,
Apke Pitaji Ek Government Servant Hain Aur Takrar Karne Se Koi Government Servant Aaj Tak Sudhara Nahin Hain. Unko Yeh Pata Hota Hain Ki Unki Position Life Long Hain. Yaane Ki Woh Humesha Aapke Pitaji Hi Rahenge. Aap Aisa Kijiye Agli Baar Jab Apke Pitaji Apko Kabhi Unke Liye Daru Yaa Davai Laane Bheje Toh Jaan Bhujke Unke Liye Nakli Aur Sasti Daru Yaa Sasti Aur Recently Expired Davai Laana. Jab Woh Tumse Kaaran Puche Toh Unse Kahna Ki Tum Apne Liye Punji Ekkatha Kar Rahein Ho. Unhe Yeh Bhi Kehne Ki Jab Woh Kabhi Bimaar Pade Toh Unka Ilaaj Aap Khud Ghar Par Karoge Taaki Hospital, Davaai aur doctor ka kharcha bach jaye. Sarkari Daftar Main Kaam Karne Wale Lagte Toh Nahin Hain Par Bahut Akalmand Log Hote Hain. Tumhari Baat Jaroor Samajh Jayenge Aur Agar Naa Samjhe Toh Mere Jaan Pehchaan Ke Ek Minister Hain Woh Unhe Samjha Denge.
Apki Apni Sakhi Saloni
Shabnam Chachi
